ከፖለቲካ ወገንተኝነት ያልፀዳው የስፖርት ውድድር

ከዛሬ 29 ዓመት በፊት የተቋቋመው የሰሜን አሜሪካ የኢትዮጵያ ስፖርት ፌዴሬሽን በየዓመቱ በሚያካሂደው ፌስቲቫል በተለያዩ የሰሜን አሜሪካ አካባቢዎች የሚኖሩ ኢትዮጵያውያንን የሚያገናኝ መድረክ ነበር:: ድርጅቱ በየዓመቱ በሚያካሂደው ፌስቲቫል የኢትዮጵያን ባህልና ቅርስ ከማስተዋወቅ አልፎ ለኢትዮጵያውያን አሜሪካውያን ማኅበረሰብ አመቺ ከባቢዎችን በመፍጠር ረገድ በርካታ ሥራዎችን ሲሠራ ቆይቷል::

የድርጅቱ ተልዕኮ የኢትዮጵያውያንን አንድነት ማጠናከር፣ የቢዝነስ ማኅበረሰቡን መደገፍ፣ ለወጣቶች የስኮላርሺፕ ዕድል መስጠት ሲሆን፣ ይህንን ተልዕኮ ለማስፈጸምም የእግር ኳስ ውድድሮችን፣ ሌሎች የስፖርት ክንውኖችንና የባህል ዝግጅቶችን ያካሂዳል:: የሰሜን አሜሪካ ስፖርት ፌዴሬሽን ከፖለቲካ፣ ከሃይማኖትና ከብሔር ወገንተኝነት የፀዳ፣ በሰሜን አሜሪካ የሚኖሩ ሁሉንም ኢትዮጵያውያን የሚያስተናግድና የሚያሳትፍ ድርጅት ነበር:: 

ጀርመናዊው የአዳማ ዩኒቨርስቲ ዲን ስራቸውን ለቀቁ

ሰኔ ፳፱ (ሃያ ዘጠኝ) ቀን ፳፻፬ ዓ/ም

ኢሳት ዜና:-አዳማ ዩኒቨርስቲን በጀርመን የትምህርት አደረጃጀት መሰረት ሞዴል ዩኒቨርስቲ ለማድረግ የተጀመረው እንቅስቃሴ ተቋርጧል። ፕሮፌሰር ፒተር ላንግፊልድ የጀርመን መንግስት የውጭ ትምህርት ግንኙነት ( ዳድ) ግፊት ወደ ኢትዮጵያ ከሁለት አመት ከስድስት ወራት በፊት ቢያቀኑም፣ የሶስት አመት የኮንትራት ውላቸው እያለ ከዩኒቨርስቲው እንዲለቁ ተደርጓል።

ከእርሳቸው ጋር አብረው የተጓዙ ሌሎች 5 ጀርመናዊያንም ዩኒቨርስቲውን ለቀው እንዲወጡ ተደርጓል። መንግስት በምትካቸውም የደቡብ ኮሪያን ምሁራን ተክቷል። በዚህም የተነሳ አዳማ ዩኒቨርስቲን በጀርመን የትምህርት ስርአት በመቅረጽ ሞዴል ለማድረግ የተጀመረው ጥረት ተቋርጧል።

የአፋር ሰብዓዊ መብቶች ድርጅት 9 ሰዎች የደረሱበት አለመታወቁን ገለጠ

ኢሳት ዜና:- ሰኔ ፳፱ (ሃያ ዘጠኝ) ቀን ፳፻፬ ዓ/ም

ድርጅቱ ዛሬ ባወጣው መግለጫ እንደጠቀሰው  የበሀይሌ ሊ/መንበር የሆኑት አቶ አሊ ማያቤ፣ የአካባቢው የጎሳ ተጠሪ የሆኑት አቶ ዳቶና ሙሀመድ ፣ አቶ አሊ ናስሪ ሙሀመድ፣ አቶ ኦማር ሀቴ፣ አቶ ዳውድ አሊ፣ አቶ ማያቢሄ ሞሀመድ፣ አቶ ካድር አስከሪ እና አቶ ሙሀመድ ኢጋሀሌ በፌደራል ፖሊስ ከተወሰዱ በሁዋላ እስካሁን የደረሱበት አልታወቀም።

ድርጅቱ እንዳለው ካለፈው መጋቢት ወር ጀምሮ በክልሉ ነዋሪዎች ላይ የሚፈጸመው ግፍ በከፍተኛ ደረጃ ጨመሯል። በአሁኑ ጊዜ የአዳቢቶሊ፣ የገዋኒ፣ አሳይታ እና የበሀይሌ አካባቢዎች በመከላከያ ሰራዊት ተከበዋል። እንደ ድርጅቱ መግለጫ በቅርቡ የተነሳው ግጭት መንስኤ አንድ የመካላከያ ሰራዊት መኮንን እና  የሴት ጉዷኛው መገደላቸው ነው። 

በጎሳ ግጭት ከ40 በላይ ሰዎች አለቁ ግጭቱ እንደቀጠለ ነው

ኢሳት ዜና: ሰኔ ፳፱ (ሃያ ዘጠኝ) ቀን ፳፻፬ ዓ/ም

በቦረና ዞን አሬሮ ወረዳ ውስጥ በገብራና በቦረና ጎሳዎች መካከል በተነሳ ግጭት እስካሁን ድረስ ከ40 ያላነሱ ሰዎች ተገድለዋል። ግጭቱ ዛሬ ድረስ የቀጠለ ሲሆን አድማሱን እያሰፋ መምጣቱንም የአካባቢው ሰዎች ለኢሳት ተናግረዋል።

ኢትዮጵያ በኢንተርኔት ሳንሱር በአፍሪቃ መሪ አገር ሆና ቆይታለች ሲል ሲፒጄ አስታወቀ

 ክኖሎጂ ሳንሱር በምሥራቅ አፍሪቃ እያደገ ነው በማለት የጋዜጠኞች ደኅንነት ተሟጋቹ ድርጅት - ሲፒጄ ዛሬ መግለጫ አውጥቷል። 

በዚህ የነፃ መረጃዎች ሳንሱር ቴክኖሎጂ ቅድምያ የያዘችው ኢትዮጵያ መሆኗን በመጥቀስ ሌሎች ድርጅቱ አምባገነን ሲል የገለፃቸው የአካባቢው መንግሥታት ይህን አሉታዊ ፈለግ እንዳይከተሉ ሥጋቱን ገልጿል።

እንደ አውሮፓ አቆጣጠር ከ2005 ዓ.ም ምርጫ በኋላ ሌሎች አገሮች ዘገባዎች እንዳይታፈኑ የኢንተርኔት አገልግሎት ትልቅ አስተዋጽዖ ሊያደርግ እንደሚችል ገና በግንዛቤ ደረጃ ላይ እንዳሉ የጠቅላይ ሚኒስትር መለስ ዜናዊ መንግሥት ዋና ዋና የኢንተርኔት ዘገባዎችና የ “ዶት ኮም” ገፆች እንዳይነበቡ ሲጋርድ ነበር። 

የኢትዮጵያ ወጣት ማኅበራት በመንግሥት ተጽዕኖ ሥር ናቸው ተባለ

 ወጣቶች በነፃነት ለመደራጀት ጥሪ እያቀረቡ ነው።

የባለራዕይ ወጣቶች ማኅበር የተሰኘ ስብስብ በነፃነት ለመደራጀት አደረግኹ ያለው ጥረት እንቅፋት እንደገጠመው አስታውቋል። በአዲስ አበባ አሥሩም ክፍለ ከተሞች ለማካሄድ ካቀዱት የምክር ቤቶች ምሥረታ የመጀመሪያ የሆነው ስብሰባ በፀጥታ ኃይሎች መበተኑን ወጣቶቹ ገልፀዋል።

በአፋር የፌዴራል ፖሊስ ሁለት ሰዎችን ከእስር ቤት አውጥተው መግደላቸውንና አንድ ማቁሰላቸውን ነዋሪዎች ገለጹ

በአፋር ክልል ዱብቲ ከተማና በሎጊያ የሰሞኑ የፌዴራል ፖሊስና የክልሉ ህዝብ ውጥረት፤ የክልሉ ነዋሪዎችና ባለስልጣንት የመወያያ ርእስ ሆኖ ነው የሰነበተው። ሁኔታው በአፋሮች ዘንድ ቁጣ መቀስቀሱን ነው፤ ከግማሽ ደርዘን የሚበልጡ አስተያየታቸውን ለአሜሪካ ድምጽ ሬድዮ የሰጡ ነዋሪዎች የገለጹት።

የጸጥታ ውጥረቱ የተጀመረው እንዲህ ነው፤ በሳምንቱ መጀመሪያ አንድ የፌዴራል ፖሊስ ባልደረባ ከባለቤቱ ጋር በሚኒባስ ሲጓዝ ሁለቱም ተገደሉ። ከዚህ ግድያ አስቀድሞ ከሁለት ሳምንታት በፊት አንድ የ17-ዓመት የአፋር ተወላጅ በፌዴራል ፖሊስ አባላት መገደሉን የአካባቢው ነዋሪዎች ገልጸዋል። ግድያው በተካሄደበት የሸንኮር አገዳ ልማት ጣቢያ በጥበቃ ስራ የተሰማራው ወጣት የተገደለውም ትጥቁን እንዲፈታ በፖሊስ ተጠይቆ፤ ትእዛዙን ባለመቀበሉ እንደሆነ ምስክሮች ለዝግጅት ክፍላችን ገልጸዋል።

በኢትዮጵያ ሰብዓዊ መብት አያያዝ ሪፖርት ላይ ለመወያየት ሰሞኑን ወደ ጀኔቫ አምርተው የነበሩ የኢህአዴግ ባለስልጣናት ተወቀሱ

ኢሳት ዜና:- ሰኔ ፳፰ (ሃያ ስምንት) ቀን ፳፻፬ ዓ/ም

በኢትዮጵያ ሰብዓዊ መብት አያያዝ ሪፖርት ላይ ለመወያዬት ሰሞኑን ወደ ጀኔቫ  አምርተው የነበሩ የኢህአዴግ ባለስልጣናት፦“አካሄዳችሁ፤የፈራችሁትን የዓረብ ስፕሪንግ እዛው እቤታችሁ ድረስ ሰተት አድርጎ የሚያመጣ እንጂ፤መፍትሄ ሊሆናችሁ አይችልም” ተብለው ተወቀሱ።

ባለስልጣናቱ ይህ ወቀሳ የተሰነዘረባቸው፤ባለፈው ሐሙስ በስዊዘርላንድ-ጄኔቭ በሚገኘው የተባበሩት መንግስታት ድርጅት የሰብዓዊ መብት ኮሚሽን ጽህፈት ቤት ውስጥ፤ ሲቪኪዮስ -ለዜጎች ተሳትፎ ዓለማቀፋዊ ህብረት የተባለ ድርጅት-  የኢትዮጵያ ሰብዓዊ መብቶች ጉባኤን(ሰመጉ) ሪፖርት ለመስማት ባዘጋጀው ፕሮግራም ላይ  ነው።

ፓርላማው በአቶ መለስ ዜናዊ ህመም ምክንያት የመዝጊያ ፕሮግራሙን አራዘመ

ኢሳት ዜና:- ሰኔ ፳፰ (ሃያ ስምንት) ቀን ፳፻፬ ዓ/ም

99 በመቶ የአንድ ፓርቲ አባላት የተሰባሰቡበትና በምሁራን ዘንድ ” እጅ አውጭ”  እየተባለ የሚጠራው ፓርላማ በሕገመንግስቱ ከተደነገገው ውጪ የስብሰባ ጊዜውን በአንድ ሳምንት ማራዘሙን ምንጮቻችን ገለጹ፡፡

ፓርላማው በሕገመንግስቱ አንቀጽ 58 ንዑስ አንቀጽ 2 ላይ በተደነገገው መሰረት የዓመቱ ሥራው ተጠቃሎ የሚዘጋው ሰኔ 30 ቀን መሆኑን ደንግጓል፡፡ በየዓመቱ ለቀጣዩ ዓመት የሚቀርበው በጀት በም/ቤቱ አባላት ቀናት የወሰደ ጥልቅ ውይይት ከተካሄደበት በኃላ ጠ/ሚኒስትሩ በተገኙበት የማጠቃለያ ውይይት ተደርጎበት የሚጸድቅበት አሰራር እንደነበር ነገርግን ዘንድሮ ፓርላማውም ጊዜ ሰጥቶ በበጀቱ ላይ ካለመነጋገሩም በላይ ባልታወቀ ምክንያት በሕገመንግስት ጭምር የተደነገገ ቀን ተሸሮ ስብሰባዎች ከሰኔ 30 በኃላ መተላለፋቸውን ምንጮቻችን ጠቁመዋል፡፡

የማስተርስና የመጀመርያ ዲግሪ ያላቸው ዜጐች አዲስ አበባ ውስጥ የጐዳና ተዳዳሪ ሆነዋል

ኢሳት ዜና:- ሰኔ ፳፯ (ሃያ ሰባት) ቀን ፳፻፬ ዓ/ም

ይህ የተገለፀው፤የአዲስ አበባ ከተማ አስተዳደር የሠራተኛና ማኅበራዊ ጉዳይ ቢሮ ትናንትና በሰጠው ጋዜጣዊ መግለጫ ላይ ነው።የቢሮው ምክትል ሀላፊ አቶ ካህሳይ ገብረመድህን እንዳሉት፤ በከተማው ያሉትን የጐዳና ላይ ተዳዳሪዎች ወደ መልካም ሕይወት ለመመለስ፣ አስተዳደሩ በማድረግ ላይ ባለው እንቅስቃሴ፤ መምህር፣ ነርሶችና በተለያዩ ሙያዎች የተመረቁ ዜጐች የጐዳና ላይ ተዳዳሪ ሆነው መገኘታቸውን አረጋግጧል፡፡

ሰበር ዜና - የዋልድባ ሰቋር ኪዳነ ምሕረት ገዳም በፌዴራል ፖሊስ ተከቧል

(ደጀ ሰላም፤ ሰኔ 24/2004 ዓ.ም፤ ጁላይ 1/ 2012/  
·        አራት መነኰሳት በፖሊስ ተይዘው ተወስደዋል፤ ሌሎቹ መነኰሳት እየተደበደቡ ተበታትነዋል።

·        የገዳሙ የሱባኤ ወቅት በፖሊስ የኀይል ርምጃ እየታወከ ነው።

·        በዛሬማ ወንዝ ላይ የሚገነባውን የወልቃይት ስኳር ልማት ፕሮጀክት ግድብ የሚሠራው ሱር ኮንስትራክሽን  ለቆ መውጣቱ እየተነገረ ነው፤ በምትኩ የቻይና ተቋራጭ የገባ ቢኾንም በእርሱም ላይ ተቃውሞው መቀጠሉ ተሰምቷል።

በሰሜን ጎንደር ሀ/ስብከት ዓዲ አርቃይ ወረዳ የዋልድባ ሰቋር ኪዳነ ምሕረት ገዳም ከማይ ፀብሪና ዓዲ አርቃይ ወረዳዎች በአምስት መኪና ተጭነው በመጡ የፌዴራል ፖሊስ ኀይሎች ሥምሪት ውስጥ እንደሚገኝ የስፍራው ምንጮች ለደጀ ሰላምገለጹ፡፡

የሲዳማ ወጣቶች “ሲወን” የሚል አዲስ ድርጅት መሰረቱ

ኢሳት ዜና:-ሰኔ ፳፫ (ሃያ ሶስት) ቀን ፳፻፬ ዓ/ም

የዩኒቨርስቲ ተማሪዎች፣  የግብርና ሰራተኞች፣ መምህራን፣ የክልሉ ፖሊስ ተወካዮች፣ የምክር ቤት አባላትና  እና ሌሎችም ከ 300 በላይ የሚሆኑ ወጣቶች ዛሬ በአዋሳ ከተማ በህቡእ ተሰባስበው የሲዳማ ወጣቶች ንቅናቄ የሚል ድርጅት መስረተዋል። በጉባኤው ላይ ከ22 ወረዳዎች የተውጣጡ የተለያዩ ብሄር ብሄረሰቦች የተወከሉ ወጣቶች የተገኙ ሲሆን፣ የትግል ስትራቴጂያቸውን እና አላማቸውን ለተሰብሳቢው ይፋ አድርገዋል።

በከፍተኛ ሚስጢር በተካሄደው ጉባኤ ላይ የወጣቱ አመራሮች የሲዳማ ህዝብ ማንነቱን ለማረጋገጥ የሚያደረገውን ትግል ወጣቶቹ ወደ ፊት ለመግፋት መወሰናቸውን የገለጡ ሲሆን ፣ የመጨረሻ ግባቸው ኢትዮጵያን አሁን ከገባችበት ፈተና ለማላቀቅ ትግል ማድረግ መሆኑን ገልጠዋል። የወጣቶቹ አመራሮች የተለያዩ ብሄረሰብ ተወካዮችን ለመጥራት የተገደዱትም አላማቸው አካባቢያዊ ሳይሆን ብሄራዊ አጀንዳ ያለው መሆኑን ለማሳየት ነው ብለዋል።